Tamad Man si Juan, May Mapupuntahan Din

Sa tingin ko, ang pulitika sa panahon ngayon ay naging takbuhan na ng mga taong walang pinag-aralan at mga taong tamad magtrabaho. Basta’t may pera ka lang na pwede mong ipamigay sa taong bayan pagdating ng eleksiyon ay pwede mo nang makuha ang impluwensiya at kapangyarihan na di mo kayang makuha sa malinis na paraan. Maraming mga pulitiko ngayon na wala namang ginagawa habang nasa puwesto pero patuloy pa ring tinitingalaan ng mga tao dahil sa pera at impluwensiyang nakamit dahil sa posisyon. Kahit ang mga taong di nakapagkolehiyo ay nagkakaroon na ng lakas ng loob na tumakbo para sa isang posisyon at nagkakaroon ng lakas ng loob na patakbuhin ang isang nayon dahil lamang sa pera. Sa mga taong dati ay tambay lang at walang mahanap na trabaho pero ngayon ay government official na. Dahil walang mahanap na trabaho, talagang ang pagiging pulitiko nalang ang pinuntahan kasi madali namang makapasok basta’t may perang galing sa pamilya na handang ipamigay sa tao pagdating ng eleksiyon. Ganito ang tingin ko sa mga pulitiko ngayon – na ginamit ang impluwensiya at pangalan ng pamilya upang makapasok sa pulitika, na magbibigay sa kanila ng kapangyarihan kahit di nmn sila deserving sa kapangyarihang yun. Andaming TAMAD at MANGMANG na pulitiko pero nakakapasok pa rin sila sa pulitika dahil na rin satin na pera lamang ang katapat.

Sa tingin ko mas mabuti kung ang mga leaders natin ngayon ay naka.ayon sa ideya ng ‘Philosopher King’ na dapat ito ay hindi magkakaroon ng isang komportableng buhay dahil ang layunin lamang nito ay itaguyod at patakbuhin ang lugar. Kasi kung wala itong komportableng buhay o kahit anumang ari.arian ay walang mang.aasam nito kundi ang mga tao lamang na nasa puso ang panunungkulan.